Bhain an scríbhneoir, ollamh ollscoile agus colúnaí de chuid an nuachtáin seo, Alan Titley, gradam de chuid an Irish Film and Television Awards, as a scannán, Máirtín Ó Cadhain: Rí an Fhocail.
Tá IFTA ar an ghradam is céimiúla a bhronnann earnáil na teilifíse. Is fada Titley aitheanta mar dhuine de na húdair is cumasaí sa Ghaeilge agus tá sé anois ag fáil aitheantais as a chumas scripteanna teilifíse a scríobh.
Ar seisean: "Tá áthas an domhain orm gur bhain Máirtín Ó Cadhain: Rí an Fhocail.
Tá áthas orm do Sheán Ó Cualáin agus do Mhac Dara Ó Curraidhin a rinne an scannán, agus do mhuintir Uí Chadhain arb aitheantas é don iarracht leanúnach atá á dhéanamh acu a ainm agus a chuid saothair a choimeád os comhair an phobail. Dúshlán domsa script scannáin a scríobh mar nach mbíonn an tsaoirse chéanna agat is a bhíonn le húrscéal nó le dráma, fiú amháin."