Tá an stáisiún bradach Gaeilge i mBéal Feirste, Fáilte 107FM le ceadúnas míosa a fháil um Nollaig le craoladh go dleathach.
Dúirt urlabhraí thar ceann an stáisiúin gur mhol Údarás Craolacháin na Breataine gur cheart don stáisiún bogadh i dtreo "access radio" nó córas raidió pobail.
"Chuige sin, táimid ag dul a fháil dhá cheadúnas míosa agus beimid ag iarraidh Fáilte 107FM a mhúnlú sa dóigh is go n-oireann sé do na critéir atá le comhlíonadh."